Arbana përshendet banorët, duke përfunduar kështu spektaklin e parë për këtë edicion. Banorët afrohen rreth tavolinës dhe fillojnë të diskutojnë rreth ushqimit që do të hanë për darkë. Ulen dhe fillojnë të darkojnë, duke biseduar me njëri-tjetrin. Gentiana propozon që pasi të darkojnë, të luajnë me lojën me shishe, në mënyrë që të njihen më tepër me njëri-tjetrin.
Ndërsa vazhdojnë të darkojnë, fillojnë të diskutojnë me njëri-tjetrin. Lioni, duke folur për veten, thotë se është tip që e thotë gjithmonë atë që mendon. Ndërsa Gentiana ua vë në dukje banorëve se nuk mund të ndryshojë dot dialektin dhe as mënyrën e të folurit edhe nëse banorët nuk e kuptojnë atë që thotë.
Gjoni dhe Liami flasin për vendet ku jetojnë dhe kohën se kur kanë ardhur në Shqipëri.
Liami mendon se është koha për të vendosur dhe ndarë punët që do të bëjnë banorët brenda shtëpisë. Ermali tregon një situatë, ku ka qenë duke darkuar me disa vajza, të cilat nuk dinin të bënin punë shtëpie dhe është detyruar që të pastrojë vetë. “Kështu janë të gjithë, ne jemi të fiksuar për pastërtinë”, thotë Ermali.
Bisedat vazhdojnë edhe për pak kohë rreth tavolinës së ngrënies.
burimi-top-channel
